Wi freit uns, dat Ji Jo hier ok den plattdüütschen Deel vun uns Internet-Siet ankieken doot. Hartlich willkamen!

Wi sünd de Schruven-Fabrik, de an’n wietsten in’n Norden vun Düütschland liggt. Wi sitt in dat schöne Sleswig-Holsteen, aver liekers ganz dicht bi de grote
Stadt Hamborg. In uns plattdüütschen Deel wüllt wi wiesen, dat uns
Schruven woll in de ganze Welt rut gaht, wi also global arbeiten
doot, aver liekers nich vergeten hebbt, wo wi her kaamt un wo
uns Wöddeln sünd. Un överhaupt hebbt wi al jümmers ok veel
an Schippboers un Warften levert un de sitt nu mal an de
Waterkant. Un an de Waterkant warrt Platt snackt.

Wi wöörn uns freien, wenn Ji op düsse Siet nich blots wieswarrt,
wat wi allens an Produkten anbeden doot, man ok, dat Plattdüütsch
würklich goot to uns Denken un Föhlen passt.

Wi hebbt lang spikeleert: Passt Platt överhaupt to uns hoochtechnische, industrielle Geschäftswelt? Ja, dat passt, denkt wi. Un wenn Ji jüst so
denkt as wi, denn schrievt uns dat man. Denn wüllt wi geern uns
plattdüütschen Deel wat grötter maken. Wi wünscht Jo noch veel
Spaaß un roopt Jo to: Hummel Hummel!

Jo’e Dreh-Norm Individuelle Verbindungstechnik GmbH
de Schruven-Fabrik an wietsten in’n Norden vun Düütschland.